رانيا فريد شوقي تكرم ذكرى فاروق الفيشاوي بكلمات مؤثرة

أحيت الفنانة رانيا فريد شوقي ذكرى رحيل الفنان فاروق الفيشاوي، التي تحل اليوم الجمعة الموافق 25 يوليو، وذلك بكلمات مؤثرة. 

رانيا فريد شوقي تحيي ذكرى رحيل فاروق الفيشاوي

وكتبت رانيا فريد شوقي من خلال حسابها الرسمي عبر موقع التواصل الاجتماعي "فيسبوك"، قالت:" من أطيب وأكرم الناس اللي عرفتهم في حياتي… جدع وابن بلد وصاحب صاحبه بجد، كان ليا الحظ إني اشتغلت معاه كتير، وآخر عمل جمعنا كان مسرحية "الملك لير" وقتها كان بيعاني من المرض اللعين، و بيتعالج ومع ذلك اشتغل لان الشغل بالنسبه له كان علاجه النفسي لكن عمره ما حاسسنا إنه تعبان واكيد انتم عرفين علاج المرض ده تقيل وصعب قد ايه والوقوف علي خشبة المسرح برضة صعب و مجهد لكن كان دايمًا مبتسم، مليان طاقة وحيوية، وكأنه بيقاوم الوجع بالإرادة". 

رانيا فريد شوقي تحيي ذكرى رحيل فاروق الفيشاوي

أضافت: "مع أول ظهور له على خشبة المسرح يوميا الجمهور كان بيستقبله بمنتهي الحب والتقدير تسقيف جامد جداااا  لحظة عمرها ما هتتنسي في البروفات، كان دايمًا يناديني: اقعد جنبه "تعالي يا بنت الملك"، ويقعد يحكيلي حكايات تضحك مع  بابا، وقد إيه بيحبه وكان بيعتبره زي أبوه وبابا كمان كان بيحبه جدًا… لأنه حقيقي كان إنسان طيب وكريم وجدع وبيحب يعمل خير من قلبه".

استكملت:"كان دايمًا لما يشوفني يسألني:"فريدة هانم عاملة إيه؟" لأن مامته اسمها فريدة، وأنا بنتي الكبيرة كمان اسمها فريدة ربنا يرحمك يا راجل يا طيب ويغفر لك ويسكنك فسيح جناته وحشتنا… قوي". 

لمتابعة التفاصيل الكاملة حول رانيا فريد شوقي تكرم ذكرى فاروق الفيشاوي بكلمات مؤثرة، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.