جوري بكر تطالب بضرورة التحدث بالعربية في الساحل الشمالي احتراما للعاملين

أعربت الفنانة جوري بكر عن استيائها من تصرفات بعض زوار الساحل الشمالي، بسبب تحدثهم باللغة الإنجليزية مع العاملين بالمقاهي والمطاعم، مؤكدة أن هذا التصرف غير مبرر ويُظهر تعالٍ غير مبرر على من يقدمون الخدمة.

وقالت جوري، عبر مقطع فيديو نشرته على خاصية القصص في حسابها الرسمي على "إنستجرام": "كنت بكلم ابني، واحدة بتقولي ليه مش بتكلميه إنجليزي؟ حضرتك مالك؟ دي تربية ابني، وكل واحد حر. كمان ليه لما بنروح الساحل بنتكلم إنجليزي؟ ما تتكلموا عربي وسهلوا على بعض."

وأضافت: "أنا كمان كنت بعمل كده زمان، لحد ما واحدة صاحبتي قالتلي لو عايزة توصلي للناس هنا، اتكلمي عربي، وفعلاً بدأت أغيّر طريقتي."

دعم جوري بكر للعاملين في الساحل: "ناس محترمة وبتتعب عشان لقمة العيش"

وواصلت حديثها بتوجيه رسالة دعم واحترام للعاملين في الساحل الشمالي، قائلة: "الشباب اللي بيشتغلوا في الكافيهات والمطاعم ناس محترمة جدًا، وبيشتغلوا في الصيف علشان يصرفوا على تعليمهم أو جوازهم. بحب الناس اللي بتتعب وتحس بقيمة الجنيه."

كما أبدت انزعاجها من بعض السلوكيات غير اللائقة في الأماكن العامة، قائلة: "مش معنى إننا في الساحل نتصرف بدون حدود. مش طبيعي تدخل عيادة تلاقي واحدة لابسة مايوه! يا جماعة راعوا وجود الأهالي والناس الكبيرة، وكل حاجة ليها مكانها."

جوري بكر توجّه رسالة توعوية: "الناس مش هتحبك من لغتك، هتحبك من بساطتك"

اختتمت جوري رسالتها بدعوة لاحترام الآخر وتقدير البسطاء، مؤكدة أن التعامل بلغة واضحة وباحترام هو مفتاح القبول والتواصل مع الناس، وليس استعراض المهارات اللغوية أو المظاهر.

لمتابعة التفاصيل الكاملة حول جوري بكر تطالب بضرورة التحدث بالعربية في الساحل الشمالي احتراما للعاملين، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.