وفاء عامر: الله ينصف المظلومين ويعاقب الظالمين في الوقت المناسب

علقت الفنانة وفاء عامر بشأن الأزمة التي تعرضت لها مؤخرا في اتهامها بسرقة الأعضاء، موضحه أن الله يقف بجوار المظلوم ويتنقم له في الوقت الصحيح.

وكتبت عبر حسابها الرسمي على موقع التواصل الاجتماعي لتبادل الصور والفيديوهات الفيسبوك: "ربنا مش بس بيقف مع المظلوم.. ده بينتقم له في الوقت الصح وبالطريقة الصح".

قي سياق متصل، شاركت الفنانة وفاء عامر جمهورها عبر حسابها الشخصي على موقع فيسبوك بمقطع فيديو أثار الكثير من الجدل، حيث وجهت خلاله رسالة مبطّنة وغامضة إلى شخص لم تُسمّه، لكنها بدت مقصودة وحملت الكثير من المعاني.

وقالت وفاء في الفيديو:"إيه الغِنى اللي يشبه الفقر؟ إنك تكون معزوم عند حد غني، بس تلاقي الدنيا مبهدلة.. فول جنب بيض جنب عسل، ومعاهم شوية مكرونة بايتة! الغِنى الحقيقي هو إنك تحسس اللي قدامك إنك مش محتاج حاجة، وإن بيتك ريحته نضيفة وجميل. أما الغِنى اللي يشبه الفقر، فهو البعزقة اللي في الآخر بتترمي في الزبالة والناس تحس إنك معملتش معاهم الواجب."

وعقب انتشار الفيديو، انهالت رسائل الدعم من النجوم، وعلى رأسهم الفنانة السورية سلاف فواخرجي التي كتبت:

"وفاء عامر.. الست المصرية الجدعة بكل تفاصيلها. أم وأخت لكل اللي عرفها، في الشدة قبل الفرح.. بحبك جدًا ومعاكي دايمًا."

كما تحدثت وفاء عامر خلال مداخلة هاتفية مع برنامج "الستات مايعرفوش يكدبوا"، قائلة: "أنا ست عنيدة ومش هسيب حقي، دي مش 5 جنيه حد ناصب عليا فيهم، أنا بنت راجل محترم، وجوزي راجل محترم، وعيلتي كلها رجالة محترمين، وفخورين بموقفي. قولتلهم محدش يتدخل، علشان الناس تقول الست جابت حقها بإيدها."

وأضافت:

"

بشكر كل النقابات، والدكتور أشرف زكي، وأنا مش عايزة أكتر من كده. بعد الشائعة دي، كل ست كبيرة بتحضني والعيال بيجروا عليا.. وهفضل كده، دي مش محنة، دي منحة ربنا بعتهالي، جايزة من عند ربي. وبشكر جمهوري من قلبي."

لمتابعة التفاصيل الكاملة حول وفاء عامر: الله ينصف المظلومين ويعاقب الظالمين في الوقت المناسب، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.