القبض على سائق تطبيق نقل ذكي بعد استغاثة فتاة من تصرفاته غير الأخلاقية

ألقت الأجهزة الأمنية القبض على سائق أحد تطبيقات النقل الذكي، بعد ارتكابه أفعالًا غير أخلاقية واستغاثة فتاة.

وقالت الفتاة فى استغاثتها، " طلبت رحلة من مبنى B Square مدينة نصر لـ التجمع الخامس، جالي سواق تطبيق نقل ذكي، من أول ما كلمته وكان غريب، وبكلمه بسأله هو فين، قالي: أنا بيني وبينك كام دقيقة، ومش عارفة قال حاجة كده ما سمعتهاش، وبعدها لقيته بيقولي يا حبيبتي، وصوته راجل كبير، فقولت: راجل كبير، ما خدتش في بالي وعديت الدنيا، ونزلت من المبنى لقيته.

وتابعت الفتاة: ركبت، وأول ما ركبت وأنا حاسة بحاجة غريبة، ماكنتش عارفة هي إيه؟ مش عارف الطريق، وفاتح اللوكيشن، ومش ماسك الموبايل.. ولقيته خد يمين من السويس عشان يمشي من محور شينزو آبي ويوصل للتجمع، وعمال يبص يمين وشمال جامد، وبيلوح رقبته أوي، وخدت بالي إنه بيبصلي في المراية، ومشغّل أغاني وبيغني معاها بصوت عالي.. ولما بسأله: بتبص يمين وشمال ليه كده؟ قالي: عادي، ببص على المرايات والطريق، هو انتي خايفة ولا إيه؟

وتابعت الفتاة: لقيته ماسك الشمال على محور شينزو آبي، ولقيته فجأة بيفك حزام السواقة، وبعدها لقيته بيقلع هدومه، وفضلت أصرخ فيه، وفتحت الباب وكنت هَنزل من العربية وهي ماشية، لقيته وقف، وقالي: انزلي انتي حرة.. وفضلت واقفة على الطريق وهو ما قفلش الرحلة أصلًا.

لمتابعة التفاصيل الكاملة حول القبض على سائق تطبيق نقل ذكي بعد استغاثة فتاة من تصرفاته غير الأخلاقية، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.