رانيا فريد شوقي تكشف كواليس مسلسل "يتربى في عزو" وذكريات مدهشة مع يحيى الفخراني

شاركت الفنانة رانيا فريد شوقي جمهورها ذكرياتها وكواليس مسلسل "يتربى في عزو" مع الفنان القدير يحيى الفخراني.

كتبت عبر حسابها الرسمي على موقع التواصل الاجتماعي لتبادل الصور والفيديوهات الانستجرام: "كنت مرعوبة أول ما اتعرض عليا دور "إيناس" في يتربى في عزو ، خفت أعمله.. واعتذرت فعلاً، لحد ما دكتور يحيى كلمني بنفسه وقاللي: "إنتي اعتذرتي؟!"، قلت له: "آه، خوفت".

وأضافت: "قاللي: "ما تخافيش… الدور حلو وهيفرق معاكي"، وفعلًا… من أنجح الأدوار اللي عملتها وساب علامة ، بس بقى خليني أحكيلكم من الكواليس، كان في مشهد في شرم الشيخ، المفروض إن أنا مراته، وراح بيا نسهر".

وتابعت: و"إيناس" أصلاً كانت ناوية تتلكك على أي خناقة عشان تسيبه وتخلع، وفي مكان السهرة، لقينا رقاصة بتتدلع على حمادة، ويا دوب لقيت "إيناس" بتزغر للرقاصة، ولحمادة و ضربة بوز و عنيها بطلع شرار !

وأوضحت: :اتاريهم كانوا يعرفوا بعض، وإيناس قلبتها نكد… سبته و مشيت!، وإحنا بنعمل بروفة المشهد فجأة لقيت دكتور يحيي بيضحك أوي!، قولتله: "في إيه؟!"، قاللي: “الله يكون في عون اللي هيتجوزك! ده مش تمثيل".

لمتابعة التفاصيل الكاملة حول رانيا فريد شوقي تكشف كواليس مسلسل "يتربى في عزو" وذكريات مدهشة مع يحيى الفخراني، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.