شذى تطلق كليب "زمانك دلوقتي" بالتعاون مع روتانا

طرحت شركة روتانا للصوتيات فيديو كليب "زمانك دلوقتي" للمطربة شذى عبر قناتها الرسمية على "يوتيوب" و جميع منصات الموسيقى وتعد زمانك دلوقتي  أولى أغاني  ألبوم شذى مع روتانا لعام 2025.

الأغنية من كلمات محمود عليم، ولحنها مصطفى العسال، ووزعها إلهامي دهيمة وأحمد حسام، بينما أخرج الكليب المخرج محمد عبدالجواد.

في وقت سابق كانت اعتذرت المطربة شذى، لـ الفنان تامر حسني، عبر صفحتها الرسمية "إنستجرام" بعد تصريحاتها الأخيرة عنه بأنه لم يدعمها .

وشاركت شذي صورة تجمعها بتامر وكتبت عليها " من غير ما افكر واحاول ارتب الكلام انت اكتر واحد في العالم عارف حبي ليك قد ايه ، و اكتر واحد برضوا عارفني وعارف اني على الله حكايتي و دماغي بتسوحني كتير .

وأضافت حقك عليا و دايما العتاب بيكون على قد الغلاوه عشان غلاوتك كتير هبت معايا زيادة متزعلش مني و هتفضل صاحب عمري اللي عدينا مع بعض كتير الوحش قبل الحلو .

وسبق وتحدثت شذى عن تامر حسني خلال لقائها في برنامج "أنا سعيد"، الذي يقدمه الإعلامي سعيد جميل، عبر قناة "القاهرة والناس": "سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل انا بتكلم على الإنسانية، أنا مليش حد هنا ومعنديش اخوات وكل عيلتي برا مصر".

الجدير بالذكر أن آخر أعمال المطربة شذي الغنائية اغنية "سكر مصر " من كلمات محمود هلال وألحان، وتوزيع شيندا خليل.

اقرا ايضآ:

تامر حسني يرد على إعتذار شذى "المسامح كريم" (صور)

لمتابعة التفاصيل الكاملة حول شذى تطلق كليب "زمانك دلوقتي" بالتعاون مع روتانا، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.