سما المصري: زيادة عروض الزواج بعد ارتداء الحجاب ونصيحة للفتيات

كشفت الفنانة سما المصري عن زيادة عروض الزواج منها بعد ارتدائها الحجاب، موجهة نصيحة للفتيات لتشجيعهم على ارتداء الحجاب، مشيرة إلى أنه سيساعدهم على تحسين حياتهم. 

سما المصري توجه رسالة للفتيات بشأن ارتداء الحجاب 

ونشرت سما المصري صورة لها بالحجاب، من خلال حسابها الرسمي عبر موقع التواصل الاجتماعي "فيسبوك"، وكتبت:" عروض الجواز مني زادت اوي بعد الحجاب…اعمل ايه ؟؟هو الحجاب بيحليني وبينضفني وبيحلي الناس وبينضفها من جوه كده ؟؟". 

أضافت: "لكل البنات اتحجبوا هتتجوزوا..ولغير المحجبات ربنا يرزقكم بعرسان حلوه يارب ويهديكم للحجاب.الحجاب دا قمر اوي وانا حبيته بجد". 

سما المصري توجه رسالة للفتيات بشأن ارتداء الحجاب 

كانت وجهت الفنانة سما المصري رسالة خاصة لجمهورها من خلال منشور لها عبر حسابها الشخصي بموقع التواصل الاجتماعي فيسبوك، وجهت من خلاله نصيحة لجمهورها بشأن الصلاة والمواظبة عليها. 

وكتبت سما المصري: نصيحه لوجه الله عن تجرّبه…انا مش شيخه ولا واعظه بس أمي قالت لي زمان أنها مش هتعرف تنجيني من ضمه القبر ومهما صرخت في القبر وناديت عليها مش هتقدر تيجي تاخدني في حضنها وقالت لي ان اول حاجه هتشغل عليها في القبر هي الصلاه".

أضافت:"وخفت من كلامها وكنت باصلي علي سطر واسيب سطر كنت باصلي خوف من ضمه القبر مع اننا لو خفنا من ربنا مش عيب ولا حرام..والأيام دي لما مابصليش بابقي مخنوقه اوي ومابرتحش غير لما أتواصل مع ربنا بالصلاه وكمان لما اخر الفرض عن ميعاده باتخنق أكتر أنا بقيت حابه الصلاه ومش قادره استغني عنها".

تابعت: "بارتاااح اوي لما باصلي بقيت اصلي حب في ربنا و حب في الصلاه مش خوف منه …صلوا حتي لو بتصلوا خوف من ربنا برضو صلوا لان ربنا ذي ماهو غفور رحيم فهو شديد العقاب".

أختتمت:"جربوا تصلوا هترتاحوا فوق مايوصل خيالكم…صلوا واقفين نايمين بلسانكم بعنيكوا حتي برموشكم كمان الصلاه مقبوله..يارب أديني الصحه والقوه عشان بس اقدر اصلي..انا مش شيخه بس الصلاه حلوه حلاوه". 

لمتابعة التفاصيل الكاملة حول سما المصري: زيادة عروض الزواج بعد ارتداء الحجاب ونصيحة للفتيات، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.