مي عز الدين: المسرح حلمي وأتمنى تقديمه في مصر

كشفت الفنانة مي عز الدين أبرز محطات حياتها الفنية، وأمنياتها المستقبلية، والتحديات التي واجهتها على مدار أكثر من 20 عامًا في الساحة الفنية.

ياسمين كانت قوتي بعد أمي

وتحدثت مي، فى حوارها مع معتز الدمرداش عن صديقتها المقربة الراحلة ياسمين قائلة: "كانت حنينة عليا جدًا، لكنها كانت بتزعلني من كتر خوفها عليا، قعدت تزقني عشان أرجع للشغل بعد وفاة والدتي، وقالتلي لازم تنزلي تشتغلي، وبعدها بأسبوع جالي مسلسل (قلبي ومفتاحه)، وافتكرت كلامها وكأنها كانت بتبشرني".

التحديات كثيرة.. وأصعبها الورق

عن مشوارها الفني، قالت مي: "أكتر حاجة صعبة في الوسط إنك تلاقي ورق كويس، ده بقى نادر جدًا، وكمان التوازن بين كل تفاصيل الحياة تحد كبير، والأصعب إنك تحافظ على المكانة اللي وصلت لها، دي مسؤولية تقيلة جدًا".

نفسي أعمل مسرح في مصر

أما عن طموحاتها المقبلة، كشفت مي: "أنا بمشي زي ما ربنا بيمشيني، لكن عندي أمنية كبيرة، نفسي أعمل مسرح في مصر، المسرح بيقويني وبيديني طاقة حقيقية، وبحب إن مفيش حاجز بيني وبين الجمهور، عملت تجربة في موسم الرياض واستمتعت جدًا، وبتمنى أكررها هنا في مصر".

قلبي ومفتاحه

وفيما يخص أحدث أعمالها، قالت: "في (قلبي ومفتاحه) كنت خارجة من فترة صعبة بعد وفاة والدتي، كنت موجودة في الكواليس جسديًا بس مش ذهنيًا، ولكن لقيت دعم كبير من آسر ياسين، دياب، وعايدة رياض، والأهم كان المخرج تامر محسن، اللي وقف جنبي جدًا وقتها".

أنا ممثلة بالفطرة

واختتمت حديثها بقولها: "دراستي لعلم الاجتماع ما فرقتش معايا في التمثيل، اللي فرق هو الموهبة والتجربة والمشاهدة، وأنا كنت من وأنا طفلة بقلد الفوازير والأفلام وأمثل في المدرسة، الفن كان هو الطريق الطبيعي ليا".

لمتابعة التفاصيل الكاملة حول مي عز الدين: المسرح حلمي وأتمنى تقديمه في مصر، يمكن الرجوع إلى موقع تليجراف مصر عبر رابط الخبر الموجود أسفل النص، وذلك حرصًا على وصول القارئ للمصدر الأصلي.