نجاة داليا البحيري من حادث سير مروع في الساحل الشمالي

نجت الفنانة داليا البحيري من حادث سير في الساحل الشمالي، حيث حرصت الفنانة على أن تطمئن كل جمهورها ومحبيها على حالتها بعد نجاتها من الحادث.

تفاصيل نجاة الفنانة داليا البحيري من حـ.ـادث سير أثناء عودتها من الساحل

ونشرت داليا صورة لها من الحادث، عر حسابها الشخصي بـ إنستجرام، وعلقت عليها: "الحمد لله على كل شيء طبعا، لأننا لازم نحمد ربنا على كل حاجة وفي كل وقت، اللي يعرفوني كويس هيعرفوا أني من محبي شهر الصيف جدا، بحب البحر والشمس والسمار ولمة العيلة وكل حاجة في الصيف جميلة حتي فاكهت، بس الحقيقة السنة دي كانت من اسوء الصيفيات اللي عدت عليا في الساحل، يتخللها بعض اللمحات الجميلة مع العيلة وبعض الأيام الطيبة، للأسف كنت مضغوطة جدا، كنت بعزل من بيت لبيت، ودي كانت حاجة مفاجأة مش مترتب لها عشان كده كنت مشدودة".

وتابعت داليا البحيري: "مناعتي وقعت وبقالي 3 أسابيع عيانة جدًا، جالي دور برد أو كورونا أو زي ما تحبوا تسموه، ولما ابتديت أخف شوية، حسن جوزي اتعدى وتعب جدًا! أكتر مني بكتير، لدرجة إننا اضطرينا نروح مستشفى! وقعدنا ٤ ساعات هناك في الـديب فريزر! تكييف عالي جدًا جدًا لدرجة إننا كنا موجوعين من البرد".

تفاصيل نجاة الفنانة داليا البحيري من حـ.ـادث سير

وأضافت داليا البحيري: "رجعنا من المستشفى وبعد أقل من ساعة، كانت حرارتي طلعت تاني ورقدت، ومن يومها وأنا مش بتحسن ويكتمل السيزون برجوعي سايقة من الساحل وأنا تعبانة، لأني كان عندي ارتباط مهم في القاهرة، والكاوتش بتاع عربيتي يتفرتك ويطلع دخان!.. بحمد ربنا إنه كان عند دخلة البوابات وماكنتش ماشية بسرعة. ده ستر ربنا الجميل.، باختصار، كان صيف مشحون جدًا، بس برضو هافضل أحب الصيف وأفضله، دعواتكم بقى إني أخف لأني استويت".

وأختتمت:"كمان كان لازم أشكر رجال المرور اللي كلهم شهامة وساعدوني وركبولي الاستبن آه نعم، كانوا عايزين يمشّوني بسرعة عشان في تشريفة سيادة الوزير معدية، بس برضو جدعان".

لمتابعة التفاصيل الكاملة حول نجاة داليا البحيري من حادث سير مروع في الساحل الشمالي، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.