مي عمر تهاجم زميلها بسبب تناقضه في الاحتفال بالتريند

هاجمت الفنانة مي عمر، أحد زملائها بالوسط الفني، وذلك بسبب التريند، حيث أن كان هذا الشخص ينتقد النجوم الذين يحتفلون بتصدر أعمالهم في رمصان، بينما يفعل نفس هذا السلوك مع عمله، الذي يعرض خارج الموسم الرمضاني الفترة الحالية. 

هجوم حاد من مي عمر على أحد زملائها بالوسط الفني بسبب التريند

وكتبت مي عمر من خلال حسابها الرسمي عبر موقع التواصل الاجتماعي "فيسبوك"، عبر خاصية ستوري: "زميل (مش ممثل)، وكنت بعتبره صديق، طلع في رمضان كتب بوست بيتريق فيه على الناس اللي بتفرح وتشارك إنها ترند رقم واحد.. والبوست كان كله بقى: الترند مش هدف الشغلانة وإحنا بنشتغل عشان الفن مش الأرقام، كلام تنظير وفزلكة على أعلى مستوى".

وأضافت: "وأنا ساعتها قلت مش هرد، وكنت سايبة الأيام تكشف، عشان كنت عارفة إن عنده مسلسل هيتذاع أوف سيزون. وأول ما يقرب من أي ترند، حتى لو دخل رقم عشرة نص ساعة، هيبقى مش مصدّق نفسه وهيقعد يشارك ويحتفل كأنه فتح القدس".

تابعت: "وفعلًا ما كدبش خبر! أول ما مسلسله دخل التريند، بقى بيشارك فرحان إنه رقم واحد. الله! هو التريند كان وحش في رمضان وبقى جميل دلوقتي؟ طبعا أنا مش ضد إن أي حد يفرح بنجاحه… بالعكس مبروك والله، ومن حقك تفرح وتشارك لإن ده تعبك ومجهودك".

وأشارت: "بس ياريت نبطل المنظر بتاع: أنا مختلف… أنا فوق التريندات، وبعد كده أول ما نقرب منها نطير من الفرح وننشر 20 ستوري".

واستكملت: "وأنا عارفة إن أي حد يعرفني كويس هيستغرب من كلامي، لأني عمري ما رديت على حد. بس بجد ليه إحنا شطار جدًا في إننا نحرّم على غيرنا حاجة، ولما تيجي في ملعبنا تبقى فجأة أحلى حاجة في الدنيا؟".

واختتمت: "في الآخر… التريند مش هدف غير لما يبقى معانا! للتوضيح، كلامي مش موجّه لأي نجوم شاركوا في العمل، بالعكس أنا بقدّرهم وباحترمهم، علشان ما حدش يفهمني غلط".

مي عمر

لمتابعة التفاصيل الكاملة حول مي عمر تهاجم زميلها بسبب تناقضه في الاحتفال بالتريند، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.