سيدة في المنصورة تستغيث بوزارة الداخلية بعد اعتداء جيرانها على ابنها وسط الشارع
استغاثت سيدة بوزارة الداخلية من بلطجة جيرانها، لقيامهم بالتعدي على نجلها وسحله وسط الشارع.
ونشرت السيدة مقطع فيديو عبر حسابها الشخصي على فيسبوك يظهر خلاله قيام شخص بسحل ابنها وسط الشارع، وعلقت عليه قائلة: "نداء استغاثة المنصورة ــ محافظة الدقهلية ــ قرية طناح بناشد أي حد يلحقني أنا وعيالي من الاذيه دي ع شان محدش قادر ع الناس دول، أنا قاعدة في بيتي وبتأذي أنا وأولادي من الشخص دا اسمه عمرو إبراهيم صلاح زيادة، وأبوه إبراهيم صلاح زيادة وأمه سماء البيلي مدرسة في مدرسة الثانوي التجاري بطناح، وأخته آية إبراهيم صلاح زيادة، قلة آدب وإهانة دايما بالمنظر اللي انتو شايفينه دا".
وتابعت،" أهل الشخص دا بيستغلوا مرضه ويحرضوه عليا وع عيالي ولما لجأت لهم ورديت عليهم عملوا ابنهم ومرضه شماعه وقالو دا تعبان وملقتش رد فعل نهائي دا غير انه ع طول لو شافني بنشر ف البلكونه بيحدف فيا طوب دا غير الشتيمه وقلة الادب وغيره وكاسرلي ازاز عربيتي مرتين ومبوظين لي المحل بتاعي ف البيت أنا عايشه انا واطفالي مهددين من الشخص دا وأهله ومش عارفه اخرج من البيت فقولت الجأ للقانون عملت محضر محدش اتحرك ومحدش عملي حاجه ولا حياة لمن تنادي".
وتابعت، "أنا دلوقتي بستغيث ابني كان هيموت اللي البني آدم دا عمله ف ابني شروع ف ق*تل دا غير اخته آيه ابراهيم معوراه بطوبه فوق حاجبه انا مش عارفه اعمل اي حاجه ولا أقول حاجة غير أنكم تشيروا الفيديو دا لحد ما حقي وحق عيالي يجي الناس دول محدش قادر عليهم".
لمتابعة التفاصيل الكاملة حول سيدة في المنصورة تستغيث بوزارة الداخلية بعد اعتداء جيرانها على ابنها وسط الشارع، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.