سماح أنور: معظم الرجال لا يكتفون بامرأة واحدة ويحتاجون لعطاء مستمر

عبرت الفنانة سماح أنور، عن رأيها في فيلم إمرأة واحدة لا تكفي، موضحة أن معظم الرجال لا يكتفون بـ امرأة واحدة على الأغلب، موجهة بعض النصائح للسيدات بخصوص العلاقات العاطفية.

وقالت في تصريحات إذاعية لها أن امرأة واحدة لا تكفي لمعظم الرجال، لأن الإنسان بطبعه بيمل والراجل بطبعه ملول جسديًا وكمان على المستوى النفسي والعصبي مش عايز يسمع كلام كتير وأي ست بتتكلم كتير، والست لما بتتضايق مبتعرفش تقول اللي مضايقها على طول، وبالنسبة للراجل متكلميهوش بلوم وعتاب وفي نفس الوقت هيعملك اللي أنتي عايزاه.

وأضافت سماح أنور، أن الست متعرفش تبقى ست من غير عطاء، هي اللي بتعمل كل حاجة، والراجل لو اديتي له مفتاح العلاقة هيدمرها، الست اللي عايزة الراجل فعلًا لازم تبقى محتوياه.

وتابعت في حديثها لوالديها الراحلين، قائلة، أبويا وأمي أتوفوا في نفس الأسبوع، كان بيكلمها قبل ما يمشي بـ 10 دقائق وفتح عينه وقالها هي دي بقى الجنة يا سعاد وبعدين توفى، كانوا قصة حب أكتر من 50 سنة، واتعلمت الحب منهم مش بتاع السيما.

لمتابعة التفاصيل الكاملة حول سماح أنور: معظم الرجال لا يكتفون بامرأة واحدة ويحتاجون لعطاء مستمر، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.