"رسالة مؤثرة من صيدلي قبل وفاته: الحسد كان السبب"

توفى شاب يدعى عمرو الحفني، خريج كلية صيدلة، بمرض السرطان بعد تعرضه للحسد من شخص مجهول الهوية على أكونت صارحني، يحسده فيها على ضحكته وحياته وصحته.

وعلق عمرو الحفني على هذه الرسالة قبل أصابته بمرض السرطان عبر صفحته الشخصية "فيسبوك"قائلا: "المسدج دي جاتلي على الصراحة من فترة وأنا مش حابب أرد، وحقيقي أنا مشفق على العقول دي، وإنكم إزاي تفكروا بالطريقة دي، وحسبي الله ونعم الوكيل.

وتابع: ما هو أنا أكيد مش هنزل مشاكلي العائلية والشخصية، على السوشيال ورا الصورة اللي بتشوفها أو الابتسامة أو أي حاجة بتنزل تعب كتير الواحد مش مضطر يعلن عنه، تحب أقولك يا صاحب المسدج دي أنا تعبان جدا وعندي تضخم، حتى نفسي رايح؛ تحب أقولك كام تحليل وكام دكتور، تحب أقولك إن والدتي تعبانة أغلب الوقت، تحب أقولك عن كم المشاكل والخلافات وحاجات كتير الواحد مش بيتكلم عنها، وإن في ابتلائات ربنا بيكون ساترها وأحنا بنغلبها بالرضا.

ويكمل: «حقيقي عمري ما شوفت حد ممكن يكون من جواه الحقد دا كله للناس، وحاجة أخيرة عشان تبقى فاهم لعلك تتعظ ربنا سبحانه وتعالى اسمه العدل يعني كل واحد له نصيب من الصحة والأهل والرزق، وأخيرا أنا خصيمك يوم القيامة أمام الله".

رسالة مؤثرة من شاب قبل وفاته بمرض السرطان بعد تعرضه للحسد من شخص مجهول

يذكر أن عمرو كان من الأشخاص المحبوبة وذات خلق وهذا من حديث أصدقائه عليه حتى بعد وفاته، وأنه أصيب بالمرض بعد تعرضه للحسد من شخص مجهول الهوية على أكونته الخاص صارحني، وعاش 9 شهور في صراع مع المرض، وجاء خبر وفاته منذ أيام .

لمتابعة التفاصيل الكاملة حول "رسالة مؤثرة من صيدلي قبل وفاته: الحسد كان السبب"، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.