كريم سرور يطالب بالتحقيق بعد اعتداء سينما زاوية على المخرج محمود يحيى
أعرب المؤلف كريم سرور عن استيائة الشديد من تصرف سينما زاوية مع المخرج محمود يحيى، وذلك بعد اعتصامه امام السينما لعرض فيلمه اختبار مريم، وقيام الأمن بابعادة بطريقة غير لائقة.
كريم سرور يستنكر تصرف سينما زاوية مع محمود يحيى
وكتب كريم سرور من خلال حسابه الرسمي عبر موقع التواصل الاجتماعي "فيسبوك"، قال:"
هو إنتوا اتولدتوا مخرجين ومنتجين يعنى وأساتذة كبار !! .. مانتو جربتوا وحاولتوا كتير، وأكيد كان عندكم شطحات كدة فى بداية مشواركم وحمقة وعصبية البدايات .. أكيد مكنتوش هتبقوا مبسوطين لما تتهزؤا وتتهانوا وتضربوا .. إيه الخرا اللى إنت بتعملوه ده يا رواد الفن المستقل ياللى حاملين الشعلة .. بتبرروا ضرب فنان عشان مبتدئ !!!!!! يا نهار اسود !".
أضاف: "إنتوا مين !! طب خلاص سهلة نقاطع سينما زاوية لحد ما يعرضوا الفيلم بتاع الأستاذ محمود يحيى اللى اقسم بالله ماعرفه شخصياً ولا عمرى سمعت عنه ولا اعرف ده فيلم ايه .. انا كل اللى شوفته إن فيه فنان مسالم واقف ببوستر فيلم جنب سينما زاوية وطلعوا عليه العاملين فى السينما ضربوه ومشوه بشكل مهين جداً .. بدل ما تتصلوا بيه وتحتووا الموضوع وتفهموا سبب المشكلة بما إنكم الكبار يعنى وكل شوية حد يخش يطبلكم .. لأ ده إنتم بتعلنوا بكل بساطة عندكم إنتم وشوية المعاتيه ألاضيشكم إن اللى حصل فى الفنان ده هو السبب فيه .. وبتسخروا منه كمان .. والله ما مصدق".
تابع:"وبكررها تانى أى حد هيبرر العنف ده إبن ستين كلب .. إبن ستين فى سبعين كلب .. هى زريبة !! انتم فاكرينها زريبة يعنى وكلامكم وفنكم بس هو اللى يمشى وأى حاجة تانى لأ .. إحتكرتوا الشغلانة والتنظير فيها وبتحكموا على اللى يفتح بوقه إنه بلطجى .. أنا شايف إنه يتم التحقيق مع سينما زاوية وإدارتها وياريت تتقفل خالص طالما هى مش داعمة للفن المستقل كما تدعى وخلاص".
كريم سرور يستنكر تصرف سينما زاوية مع محمود يحيى
لمتابعة التفاصيل الكاملة حول كريم سرور يطالب بالتحقيق بعد اعتداء سينما زاوية على المخرج محمود يحيى، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.