نجل دينا: أختار لوالدتي بدل الرقص وأدعم فنها بكل فخر

حرص نجل الفنانة والراقصة الاستعراضية دينا على دعمها، وذلك أثناء افتتاح أكاديمية تعليم الرقص الشرقي، والتي أُقيمت حفل افتتاحها مساء أمس، الثلاثاء، وسط حضور كبير من نجوم الفن. 

نجل دينا يُعبر عن دعمه ومشاركته لها

وقال نجل دينا: "أمي بتاخد رأيي في كل حاجة من وأنا صغير والحمدلله عندي شوية ذوق وبعرف أنقي وأساعدها في اختيار بدل الرقص وأدوارها". 

أضاف: "وماما بتشتغل الرقص كفن، واختيار بدلة الرقص مش بيكون الغرض أن نبين حاجه، وزي ما البالية ليه لبسوه، فالرقص الشرقي ليه لبس معين المفروض يتلبس بطريقة شيك، وتخلي الواحد مبسوط وهو على المسرح مش عشان عريان، لا عشان دا لبس الفن بتاعها.. وأنا بحبها كأمي مش كممثلة او راقصة". 

من جانبها، عبّرت الراقصة دينا عن سعادتها بدعم ابنها لها مؤكدة: "هو اللي بيشجعني، أنا دايمًا هايصه وهو العاقل، هو اللي مخليني حاسة إني صغيرة، معايا راجل بجد. دايمًا بقوله أنا بحبك، وهو أهم حاجة في دنيتي كلها".

وشهد حفل الافتتاح حضور عدد من الشخصيات المهتمة بالفن والثقافة، وسط أجواء احتفالية تؤكد على مكانة الرقص كفن عالمي يعكس التنوع والإبداع الفني. 

لمتابعة التفاصيل الكاملة حول نجل دينا: أختار لوالدتي بدل الرقص وأدعم فنها بكل فخر، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.