علي رؤوف يطمئن جمهوره بعد حادث انقلاب سيارته: "أنا بخير إلى حد ما"

حرص المطرب علي رؤوف صاحب الأغنية الشهيرة "بشحت بالجيتار" على طمأنة جمهوره على حالته الصحية، وذلك بعد تعرضه لحادث سير على طريق السويس، والذي نُقل على آثره إلى المستشفى.

تطورات الحالة الصحية لـ علي رؤوف بعد انقلاب سيارته

وكتب علي رؤوف من خلال حسابه الرسمي عبر موقع التواصل الاجتماعي فيسبوك، قال: أحبائي ومتابعيني تحية طيبة وبعد..

أحب أطمنكم عليا وعلي صحتي إني بخير إلى حد ما، عندي بس شوية جروح وشرخ بسيط في منتصف القفص الصدري وكدمات شديدة في العمود الفقري، وبما إني صاحب الشأن بنفي أي خبر عن إني في حالة حرجة أنا محتاج بس راحة من اسبوعين الي 3 اسابيع، ومفيش داعي إني أتكلم عن الحادث أو تفاصيله.

أضاف: اينعم كتير عنده فكرة إن دي أول عربية أجيبها في حياتي وكانت حلم من أحلام عمري بس مدام جت في الحديد فـ في ستين مليون دهية، ومش محتاج أقول إن دي تحويشة سنين بس نقول إيه بقى غير اللي ايده في المية مش زي اللي ايده في النار.

تابع: الخلاصة إني بخير إلى حد ما ومش زعلان على حاجة ومسيري أقوم بالسلامة وأبدء من الصفر تاني، كل اللي أنا طالبه على قدر حبكم ليا أتمنولي الخير، لإن أي نجاح أنا بعمله هو حصاد 15 سنة مرمطة وتعب بلا راحة وتكاسل، وأظن اي كرير في الدنيا محتاج تعب وكفاح , واحب ان احيط علم سيادتكم اني مش بتباها بممتلكاتي و خير دليل علي ذالك محدش يعرف اني كان معايا عربية اصلا ويوم ما انتشر الخبر كله شافها متدشملة في الحادث، لإني ديما براعي احتياج الغير للاشياء الثمينه فـ مبحبش اخلي أي حد يستفذ بحاجة معايا هو نفسه فيها ودا من اصول تربيتي.

استكمل: وأخيرًا شكر خاص لرجال الأمن في محافظة السويس على انقاذي أنا واللي كانو معايا، شكرًا لكل راجل محترم عنده نخوة ساعد في إنقاذ حياتنا من الحادث شكر خاص لأطباء المجمع الطبي في السويس علي مجهوداتم العظيمة.

أختتم: شكر كبير جدًا لكل أصحابي وحبايبي اللي كلموني وسألو عني وكانو معايا لحظة بلحظة لحد ما رجعت البيت 

وعلى راسي كل اللي تلهف عليا وسأل عني وعن صحتي.

تطورات الحالة الصحية لـ علي رؤوف بعد انقلاب سيارته

لمتابعة التفاصيل الكاملة حول علي رؤوف يطمئن جمهوره بعد حادث انقلاب سيارته: "أنا بخير إلى حد ما"، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.