مؤلف مسلسل كارثة طبيعية يكشف أسرار العمل ويجيب على تساؤلات الجمهور قبل العرض
مسلسل كارثة طبيعية
.. حرص المؤلف أحمد عاطف مؤلف
مسلسل كارثة طبيعية
بطولة الفنان محمد سلام على الرد على تساؤلات جمهوره، وذلك قبل طرح المسلسل غدًا على منصة Watch it الرقمية.
مؤلف مسلسل كارثة طبيعية يرد على تساؤلات الجمهور قبل طرحه
وكتب أحمد عاطف من خلال حسابه الرسمي عبر موقع التواصل الاجتماعي فيسبوك، قال: إجابات سريعة على أسئلة بتتسألى كتير منذ نزول برومو كارثة طبيعية: المسلسل 10 حلقات.. هينزل حلقتين كل يوم أربعاء بداية من الأربع الجاى بإذن الله على WATCH IT.
أضاف: كارثة طبيعية مش مسلسل خيال علمى ولا حدث خارق للطبيعة.. هو قصة واقعية لزوج وزوجة مصريين عاديين بيمروا فجأة بحدث بيشقلب حياتهم تماماً.. والحدث ده ممكن يحصل لأى حد عادى .. وهى إن الزوجة بتحمل فى 5 أطفال مرة واحدة كحالة توائم متعددة.. ودى حالة حصلت كتير بالمناسبة في مصر والعالم كله .. والرقم القياسى المتسجل في مصر لحالات التوائم المتعددة.. هي ست جابت 9 أطفال في بطن واحدة.. وأستضافها عمرو الليثى واللقاء موجود على اليوتيوب ( بس محدش يتفرج عشان مانكسبهوش أرباح.. نوع المسلسل : بلاك كوميدي/ دراما.
كما تحدث عن حقيقة تقديم جزء ثاني من مسلسل بالطو بطولة عصام عمر: فين بالطو 2 ؟.. مبسوط طبعاً جداً انكو بعد سنتين ونص تقريبا لسة بتسألونى على بالطو 2 فى كل مناسبة.. بس الحقيقة انا مش عارف مين قال إن فيه بالطو 2.. بالنسبالى قصة دكتور عاطف خلصت وماكنتش حابب فكرة إنى أكتب جزء تانى لمجرد إستغلال نجاح الجزء الأول بدون ما يكون فيه حاجة معينة عايزين نقولها من المسلسل.. وده كمان مكنش رأيي لوحدى.. لأ كان رأى منصة واتشت بردو اللى كانت مقتنعة بكده جداً وكانت ضد إستغلال النجاح.. وكذلك أصدقائى الأعزاء عصام عمر وعمر المهندس كانو بيفكرو بنفس الطريقة دى وده نفس رأيهم.
تابع: أيوة اللى شوفتوه ف البرومو صح.. الأستاذ كمال أبو رية معانا في المسلسل وبقينا أصدقاء جدا ( إعترفتله فى أواخر تصوير المسلسل على حوار إن أنا اللى أكتشفت مسلسل عزمى وأشجان بتاعه هو وفيفى عبده وفضحته .. بس ده محتاجله بوست منفصل هبقى أحكيلكو قالى إيه خلونا في كارثة طبيعية دلوقتى).
وكشف عن موعد عرض مسلسل كارثة طبيعية: أول حلقتين بعد بكرة 10 صباحاً.. يعنى تصحوا بدرى متكدرين تفطروا تلاقوا الحلقات موجودة أظن مفيش دلع أسوأ من كده.. وفى النهاية أتمنى المسلسل يعجبكو إن شاء الله ومستني بجد الفيدباك بتاعكو على الوحش قبل الحلو فى المسلسل.
مؤلف مسلسل كارثة طبيعية يرد على تساؤلات الجمهور قبل طرحه
لمتابعة التفاصيل الكاملة حول مؤلف مسلسل كارثة طبيعية يكشف أسرار العمل ويجيب على تساؤلات الجمهور قبل العرض، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.