مي عمر تعبر عن حماسها لافتتاح المتحف المصري الكبير وتوجه الشكر للرئيس السيسي

أعربت الفنانة مي عمر عن حماسها الشديد للحظة افتتاح المتحف المصري الكبير، الذي من المقرر افتتاحه يوم السبت المقبل الموافق 1 نوفمبر، مشيرة إلى أنها تشعر بالفخر في كل خطوة تأخذها مصر موجهة الشكر للرئيس عبد الفتاح السيسي.

مي عمر تشيد بافتتاح المتحف المصري الكبير

وشاركت مي عمر جمهورها صورة لها امام الأهرمات، وذلك من خلال حسابها الرسمي عبر موقع التواصل الاجتماعي فيسبوك، وكتبت: ‏من وأنا طفلة صغيرة، كان عندي حلم أزور الأهرامات وأحس بعظمة المكان ده، و فعلا زرتها لأول مرة من أكتر من 20 سنة، وقتها كانت لحظة سحرية عمري ما نستها.

أضافت: ‏النهاردة، بعد كل السنين دي، رجعت أزور الأهرامات من تاني… ومن اللحظة الأولى انبهرت بالتطور الرهيب اللي شفته. شفت قد إيه المكان اتحول لمزار سياحي عالمي بمعنى الكلمة، المكان بقى منظم، جميل، راقي وكل تفصيلة فيه بقت بتحكي مش بس عن تاريخنا ، لكن كمان حاضرنا اللي بنفخر به.

‏تابعت: وده كله بفضل المجهود الكبير اللي اتعمل، والقيادة اللي آمنت إن مصر تستحق تكون في المكانة دي.

كما وجهت رسالة للرئيس السيسي، قالت: كل التقدير والاحترام لفخامة الرئيس عبد الفتاح السيسي، اللي بيشتغل بكل إخلاص علشان يرفع اسم مصر، ويخلي كل مصري يحس بالفخر في كل خطوة وفي كل لحظة.

استكملت: ‏شكرًا لأنك رجّعت لمصر هيبتها، وجمالها، ومكانتها اللي تستحقها، مستنية من كل قلبي لحظة افتتاح المتحف المصري الكبير.. ‏لحظة هنعيش فيها فخر جديد، ونشوف حضارتنا العظيمة وهي بتتجدد قدام عيون العالم كله، ‏مصرية وأفتخر.

مي عمر تشيد بافتتاح المتحف المصري الكبير

لمتابعة التفاصيل الكاملة حول مي عمر تعبر عن حماسها لافتتاح المتحف المصري الكبير وتوجه الشكر للرئيس السيسي، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.