فريدة سيف النصر تنعي شقيقها بكلمات مؤثرة تعكس مشاعر الفقد والحزن
نعت الفنانة فريدة سيف النصر شقيقها الراحل بدر الدين بكلمات مؤثرة، حيث كتبت منشور من خلال حسابها الرسمي عبر موقع التواصل الاجتماعي فيسبوك.
فريدة سيف النصر تنعي شقيقها بكلمات مؤثرة
وكتبت: عارف ياروحي انت معايا مابتسبنيڜ ليه لأني مافارقتكش من يوم ماتولدنا شوف بقي اخونا الصغير مات وبابا وماما واعمام وخالات. وأقارب الله يرحمهم وعندنا اخونا سيف النصر اختار الفراق والعيشه بره اتعود بعدنا واتعودنا هجره لنا.. واختنا في حالها طول عمرها جوزها واولادها حياتها وقافله علي نفسها باحترام الحقيقه ماكانتش تنزل الا لماما.. أنا وأنت بقي خدنا البهدله والحلو والمر ومرض دوول وطلاق دوول.
أضافت: وفضلووا ابني وعيالك وعيال سيف في حجري وانت أولهم جواك طفل طيب حنون كريم .فاكر كانوا يقولوا عليك بدر من بره فريدشوقي ومن جوه العندليب..الله يرحم الجميع..والولاد كلهم بيكبروا بيبقي اهم حاجه عندهم صحابهم والخروج..أو السفر للعمل بره زي بنتك فوزيه الكبيره سنين عشناها.
تابعت: في قلق عليها والشبااب دائما ولا هما هنا..ويغيبوا كلهم حتي مصطفي سافر الغردقه والقلق تاني مثلا ابني ودبي والقلق تالت ولا هما هنا..عندهم عادي المهم عايزين ايه هما..وفضل الكبار انت وانا وزوجتك وولادك الجداد تحصل حاجات وحاجات والبنت اتجوزت وأجريت ورا جوزها سنة الحياه حتي ابنك الصغير كنت تقوللي شايفه البيت فضي بعد آمنا ازاي وكنا انت وانا مكملين.
استكملت: بس اكمل ازاي من غير دعواتك الحلوه..وحتي لو جاني اي حلو اقاسمه مع مين يابدر ومين يفرح لي زيك..ودائما تقول لو حد زعلني ماتزعليش يافورد قدرك تبقي امنا كلنا حتي لناس اكبر منك..كلامك بلسم وحلو مابتغلطش في حد.احيانا تقوللي حضرتك اقول لك ده كلام تقول لي حاضر ياقلبي..علي فكره باسل ابنك هو ومصطفي ابنك بيتكلموا زيك دلوقتي..أما فرح داخله عالخامس ولو ولد هاتسميه بدر، وقالت لي اخر قعده معاك مسكت أيدها وقلت لها ماتزعلوش فريده كلميها علي طول وأسالي عليها فورد دي حبيبتنا وحبيببة قلب ابوكي.
اختتمت: اااااااه ياخويا..العوض علي الله..اصلا كنت باعمل شاي بالقرنفل وانت بتحبه لقيتني عملت كوبايتين لاتكون شايفني من فوق وتزعل..بص أنا بقالي يومين..بحاول اعرف مين أمر في إن كير يتشال جهاز التنفس الصناعي قبل ماقلبك يجمد تاني يقوم يقف ومايعملوش انعاش لازم اعرف مش بمزاجهم. ماهم بياخدوا مش قليل استعجلوا عليك ليه..اربع مرات قلبك يقف بالنص ساعه في زايد وترجع واسألوا الدكاتره .المره دي في ايه..سالت دكتور احمد سالم بيتهرب من اجابه دوغري بس أنا لازم اعرف وهاعرف...وحشتني ياابن أمي وابويا.
فريدة سيف النصر تنعي شقيقها بكلمات مؤثرة
لمتابعة التفاصيل الكاملة حول فريدة سيف النصر تنعي شقيقها بكلمات مؤثرة تعكس مشاعر الفقد والحزن، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.