سما المصري تهاجم تسريب فيديوهات الفتيات وتكشف عن رأيها القوي

شنت الفنانة سما المصري هجومًا حادًا على ظاهرة تسريب فيديوهات البنات، والتي انتشرت مؤخرًا عبر مواقع التواصل الاجتماعي. 

هجوم حاد من سما المصري على تسريب فيديوهات البنات

ونشرت سما المصري مقطع فيديو لها منتقدة هذا الفعل، وذلك من خلال حسابها الرسمي عبر موقع تبادل الصور والفيديوهات القصيرة إنستجرام، وقالت سما المصري: أنا مش هتكلم في حكاية أن فلانة اتسربلها فيديو أو فلان صور واحدة، أنا مبحبش أتكلم في الحاجات دي ربنا يسترها عالكل، بس الموضوع مستفزني جدًا، أنا عايزة اسال سؤال واحد وحد يجاوبني عليه من اللي بيصوروا، أنتوا بتصوروا ليه، أنتي دلوقتي مع جوزك، علاقة خاصة جدا بينك وبينه بتصوروا ليه انا نفسي أفهم، تلقى الرد أن واحد أو واحدة يطلع يقول علشان مراتي بتوحشني بتفرج عالفيديوهات، يعني هو ده الموضوع اللي هوحشك بيه، انا اعرف ان الحب الحقيقي لما يوحشني افتكر الذكريات المواقف الحلوة والمواقف الصعبة، يعني لو هو لما توحشيه يتفرج عالحاجات دي يبقى هو متجوزك عشان الحاجات دي بس، لو ده مش موجود مش هتوحشيه، يعني لو لقى واحدة أحسن منك في الحاجات دي هيسيبك، هو عذر أقبح من ذنب. 

أضافت: كل واحد حر في حياته وفي اللي بيعمله، أنا عارفة التعليقات وهتقولولي أنتي مالك، أنا مالي فعلا، أنا بس نفسي أعرف انتي بتخليه يصورك ليه، مترجعوش تزعلوا وتعيطوا انتوا اللي بتعملوا في نفسك كده، ربنا يسترها عليكي ياللي طلعلك تسريب، واكيد في بنات كتير اتصورلهم ولسه مطلعلهمش تسريبات، افتكروا أن الحب هو اللي بيعلقنا ببعض والقعدة الحلوة مش اي حاجة تانية، أنتي يا فنانة اللي عملتي في نفسك كده، مش عايزة اقول تستاهلي عشان حرام. 

هجوم حاد من سما المصري على تسريب فيديوهات البنات

لمتابعة التفاصيل الكاملة حول سما المصري تهاجم تسريب فيديوهات الفتيات وتكشف عن رأيها القوي، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.