مطرب المهرجانات مسلم يهاجم نقابة المهن الموسيقية بتصريحات نارية

شّن المطرب مسلم هجومًا حادًا على نقابة المهن الموسيقية، وذلك بعد تصريحات نقيب الموسيقين الفنان مصطفى كامل، واتهم مسلم النقابة بأنها غير عادلة، مما أثار جدلًا كبيرًا عبر مواقع التواصل الاجتماعي. 

مسلم يثير الجدل بتصريحات نارية واتهامات موجهة للنقابة

مسلم يثير الجدل بتصريحات نارية واتهامات موجهة للنقابة

وكتب مسلم من خلال حسابه الرسمي عبر موقع تبادل الصور والفيديوهات القصيرة إنستجرام، قال: هما عادي ممكن يسيبه حد يبوس وحده علي الاستديج وبعد كده يفرشه الارض ورد ليه ويستقبلو أحلى استقبال وعادي يسيبه حد يقول أحئات في الاغاني وعادي محدش برضه يتكلم وعادي يسيبه حد يقول كلام في أغاني يخلي العيال الصغيرة تعور بعضها وكل دول ما يتحسبوش وانا الي افضل قاعد سنه بدون شغل عادي جدا بس اقولك ايه هيا دي الواحد لما يكون معاه سلطي بيدوس علي اي حد ويطلع يتكلم ب أسم الفضيله وإنه راجل عادل وعمره ما ظلم حد حسبي الله ونعم الوكيل ؟؟.. نقابة مش عادله. 

في سياق متصل، نفى مطرب المهرجانات مسلم قيامه بوقفة احتجاجية في نقابة المهن الموسيقية احتجاجاً على قرار منعه من ممارسة المهنة منذ مارس الماضي.

وقال مسلم في مداخلة هاتفية عبر برنامج كلمة أخيرة مع الإعلامي أحمد سالم على قناة ON: "مكانش فيه وقفة احتجاجية، كل الكلام ده كذب وإشاعات، هو إحنا أيام التحرير هنزل أعمل وقفة احتجاجية عند النقابة؟ ليه يعني؟ محتاج إيه علشان أعمل كده؟ وأنا إنسان مش جاهل، أنا متعلم، وما يطلعش مني الفعل ده."

وأضاف مسلم: "أنا النهارده كان عندي مشكلة مع شركة كبيرة للإنتاج الصوتي، خلصت معاها المشكلة وخدت عقد، واللي أعرفه إنه لو جبت العقد وخلصت المشكلة هرجع أشتغل، وكنت رايح النهارده النقابة علشان أحل وارجع، وواحد صحفي كلمني وقال لي هاجي معاك علشان لو رجعت تعرف الناس إنك رجعت، وأنا قلت له طالما الناس كلها عرفت إني موقوف، وقلت لو رجعوني النهارده، وكنت واثق في ربنا، كنت هقول إني رجعت".

واستكمل: فرقتي كانت هناك ربعها فقط، حوالي ستة أو سبعة، مستنياني علشان نحل المشكلة مرة واحدة، لقوا صحافة كتير، بتاع ١٥ صحفي، ولكن أنا كنت رايح بحسن نية، وحد كلمني من الفرقة قال لي ارجع، هما قبضوا على كل الفرقة ومشوهم".

وعن سبب ما قالته النقابة حول منعه بسبب أنه يخلّ باتفاقاته مع متعهدين وشركات، قال: "في ناس بتكرهني كتير في المجال لأني مش منولهم مرادهم ومش باتفق معاهم، وأنا كنت شاب صغير نفسي أنجح، مضيت مع منتج عقد وقلت هيطلعني ويظهرني، لكن كنت قاصر، وحصل خلافات بعد كده، وهي دي الشركة الوحيدة اللي مشكلتي معاها.

وأوضح: "أنا مضيت مع منتج فقط، ولما فسخت معاه رحت لشركة".

لمتابعة التفاصيل الكاملة حول مطرب المهرجانات مسلم يهاجم نقابة المهن الموسيقية بتصريحات نارية، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.