يارا تامر ترد على أزمة طليقها مسلم مع نقابة الموسيقيين

علقت يارا تامر عبر مواقع التواصل الاجتماعي عن أزمة طليقها مسلم.

أول تعليق من طليقة مسلم بعد أزمته

ونشرت يارا تامر طليقة مسلم عبر صفحتها الشخصية بموقع تبادل الصور والفيديوهات القصيرة انسجرام ، قائلة: "والله ما صعبان عليا غير اللي اتأذى من الدنيا كلها".

ستوري يارا تامر طليقة مسلم

أخر تصريحات مسلم عن نقابة المهن الموسيقية

أثار المطرب مسلم حالة من الجدل في السوشيال ميديا عقب أخر تصريحاته له ضد نقيب الموسيقيين مصطفى كامل

على قرار منعه من ممارسة المهنة منذ مارس الماضي.

مسلم يكشف عن معاناته بسبب نقابة المهن الموسيقية

وقال خلال لقائه في برنامج "بالعربي ET" :"أنا مش فاهم هو ليه مستقصدني ومشكلته معايا أنا بس، مع أن هو اللي في الأول ساعدني وشغلني، أنا ذنبي ايه اتوقف سنة وانا معايا 40 فرد في الفرقة وغير امي وعيالي".

وأضاف"هو مش مقدر ان أنا زي ابنه، وابنه فتحي لما عمل بودكاست وكل ما يستضيف شخص يجيب في سيرتي ويهاجموني، أنا مش عارف أنا اتوقفت ليه، انا خلاص ضهري اتكسر في بيتي وعمر ما حد هيقول الكلمة دي غير المكسور واللي تعب".

وأوضح انه لا يوجد اي مساعدات من اي طرف أخر في المجال بالتدخل لحل المشكلة.

هجوم مسلم على نقابة الموسيقيين

ووجه رسالة لشخص يًدعي منصور هندي"كل ما اروح النقابة يعاملني بأسلوب وحش ويقولي خلاص قطعنا عيشك احنا مش هنخلص منك".

وشن هجوم على النقابة" انتوا ليه بتعملوا كده بتهاجموا الناس الناجحة وبدمروهم، عايزني أسافر برة واشتغل برة عشان مش عارف امارس حقوقي في بلدي، أنا عايز حد يطلع يقولي ليه بيحصل كدة، ومين فوق النقابة يجيبلي حقي، أنا خلصت وحليت كل مشاكلي ولسة موقوف".

في سياق متصل، نفى مطرب المهرجانات مسلم قيامه بوقفة احتجاجية في نقابة المهن الموسيقية احتجاجاً على قرار منعه من ممارسة المهنة منذ مارس الماضي.

وقال مسلم في مداخلة هاتفية عبر برنامج كلمة أخيرة مع الإعلامي أحمد سالم على قناة ON: "مكانش فيه وقفة احتجاجية، كل الكلام ده كذب وإشاعات، هو إحنا أيام التحرير هنزل أعمل وقفة احتجاجية عند النقابة؟ ليه يعني؟ محتاج إيه علشان أعمل كده؟ وأنا إنسان مش جاهل، أنا متعلم، وما يطلعش مني الفعل ده."

وأضاف مسلم: "أنا النهارده كان عندي مشكلة مع شركة كبيرة للإنتاج الصوتي، خلصت معاها المشكلة وخدت عقد، واللي أعرفه إنه لو جبت العقد وخلصت المشكلة هرجع أشتغل، وكنت رايح النهارده النقابة علشان أحل وارجع، وواحد صحفي كلمني وقال لي هاجي معاك علشان لو رجعت تعرف الناس إنك رجعت، وأنا قلت له طالما الناس كلها عرفت إني موقوف، وقلت لو رجعوني النهارده، وكنت واثق في ربنا، كنت هقول إني رجعت".

واستكمل: فرقتي كانت هناك ربعها فقط، حوالي ستة أو سبعة، مستنياني علشان نحل المشكلة مرة واحدة، لقوا صحافة كتير، بتاع ١٥ صحفي، ولكن أنا كنت رايح بحسن نية، وحد كلمني من الفرقة قال لي ارجع، هما قبضوا على كل الفرقة ومشوهم".

وعن سبب ما قالته النقابة حول منعه بسبب أنه يخلّ باتفاقاته مع متعهدين وشركات، قال: "في ناس بتكرهني كتير في المجال لأني مش منولهم مرادهم ومش باتفق معاهم، وأنا كنت شاب صغير نفسي أنجح، مضيت مع منتج عقد وقلت هيطلعني ويظهرني، لكن كنت قاصر، وحصل خلافات بعد كده، وهي دي الشركة الوحيدة اللي مشكلتي معاها.

وأوضح: "أنا مضيت مع منتج فقط، ولما فسخت معاه رحت لشركة".

لمتابعة التفاصيل الكاملة حول يارا تامر ترد على أزمة طليقها مسلم مع نقابة الموسيقيين، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.