سما المصري تتحدث عن حبس هدير عبد الرازق: "اتحبست قبل كدة وعارفة"

هدير عبد الرازق

.. علقت الفنانة سما المصري على واقعة تأييد حبس

البلوجر هدير عبد الرازق

لمدة عام، وتغريمها 20 ألف جنيه، وذلك بعد اتهامها بنشر فيديوهات خادشة للحياء والتحريض على الفسق.

سما المصري تُعلق على حبس هدير عبد الرازق

وتحدثت سما المصري على هذه الواقعة، مشيرة إلى أنها تم حبسها مسبقًا، وتعلم بالعديد من القضايا، وقالت من خلال مقطع فيديو لها، عبر موقع تبادل الصور والفيديوهات القصيرة، قالت: السلام عليكم، بصوا هو الموضوع بسرعة كده عشان ما أطولش عليكم، أنا لما عملت الفيديو من يومين عن رأيي في التسريبات الموجودة للفنانة دي وغيرها، الحمد لله الكومنتات طلعت كويسة، والناس مبسوطة إن فكري بدأ يتغير، وناس طلبت مني أعلق دايما على الأحداث اللي دايرة في المجتمع بطريقتي، مع إن أنا شايفة نفسي أقل من كده.

أضافت: النهارده كان في الترندات كذا حاجة، منها محاكمات كتير للبلوجرز، أولهم هدير عبد الرازق، وأم مكة، وتجديد نظر تجديد حبس شاكر، وقضية الرجل المسن اللي اتعرض للضرب بالقلم على وشه في السويس.

تابعت: بالنسبة لأخر حكم اللي طلع النهارده، هدير عبد الرازق، وكفالة 5 آلاف جنيه، وغرامة 100 ألف جنيه، وبعد كده قدمت استئناف، وهي محبوسة، ثم الاستئناف تم تأييده.

أردفت: كانت لها معارضة استئنافية لأن الحكم كان غيابياً، وعملت معارضة استئنافية، وكان لها جلسة النهارده 5 نوفمبر، والحكم اتأكد وتم تأييده، ومدة الحبس سنة والغرامة 5 آلاف جنيه.

وأوضحت: هي دلوقتي هتتحبس، ممكن تاخد سنة، وممكن تاخد ستة شهور حسب حيثيات الحكم.

وأكدت سما المصري أن البلوجر كان لديها جلسة تحقيق قبل أيام في قضية غسيل أموال، وتم إخراجها بكفالة 20 ألف جنيه، مع التحفظ على أموالها، قائلة: هي محبوسة، واحتمال كبير والله أعلم هتتحاكم في قضية غسيل أموال خلال السنة دي.

استكملت: هدير لسه لها نقض هتعمله، لكنها داخلية، والنقض غالبًا بياخد وقت طويل، ممكن لو قضية غسيل الأموال اتقفلت، تخلص السنة وتخرج، ويجيلها النقض بعد كده، النقض عادة في الجنح بيتأخر.

واختمت سما المصري حديثها قائلة: ده مجرد توقع من اللي شفته، وأنا اتحبست قبل كده وعارفة كنت بقعد مع ناس بتوع قضايا كتير، والله العلم عند ربنا، لكن الظاهر إنها هتتحاكم في قضية غسيل الأموال أثناء حبسها.

لمتابعة التفاصيل الكاملة حول سما المصري تتحدث عن حبس هدير عبد الرازق: "اتحبست قبل كدة وعارفة"، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.