إعلامية تكشف عن مضايقات تعرضت لها صديقتها من ضابط كويتي أمام مقر عملها

كشفت الإعلامية مني عبد الوهاب عن تعرض صديقتها لمضايقات من شخص يحمل جنسية إحدي الدول العربية.

وقالت مني عبدالوهاب، “صديقة عمري بنت محترمة جداً بتشتغل من زمان في شركة جوة Nile City زي ما باين في الڤيديو لابسة بالطو طويل لحد الأرض و خارجة من شغلها الساعة 12 الضهر، فيجي شخص سكران خارج من مكان في نفس المبنى بيفتح الساعة 4 الصبح و يقفل الساعة 1 الضهر و يقوم الأستاذ متهجم عليها و ماسكها من جسمها بالمنظر دا”.

وتابعت: "بذلت مجهود كبير جدا من الصبح علشان تعرف إن الفحل الي في الفيديو والصورة هو ضابط كويتي، مش قادرة تحصل من المكان الي كان نازل منه على معلومات أكتر من كدا علشان حتى تعمل محضر! الفكرة بقى إن أحد أفراد شرطة السياحة لما شاف الڤيديو قالها ما حدش هيعملك حاجة  كنتي لازم تسيبيه يمسكك وقت أطول علشان تعرفي تثبتي عليه الي حصل!!!".

وتكمل: "احنا لو شفنا فحل مصري بيتصرف كدا مع سيدة في الشارع مش هنسكت، دا واحد كويتي متحامي في كونه ضابط ماشي بكأس الخمرة في الشارع ويتجرأ بالمنظر دا على فتاة مصرية أمام مقر عملها في عز الضهر!!! انتوا ازاي ممكن تبقوا مطمنين على بناتكم و زوجاتكم و أخواتكم البنات!!! ازاي فرد من الشرطة بيقولها كدا بدل ما يساعدها تاخد حقها؟؟".

لمتابعة التفاصيل الكاملة حول إعلامية تكشف عن مضايقات تعرضت لها صديقتها من ضابط كويتي أمام مقر عملها، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.