بلوجر تهاجم منجمة شماتة في الموت بعد وفاة إسماعيل الليثي
ظهرت البلوجر لي لي فؤاد في بث مباشر عبر منصة تيك توك، تُهاجم منجمة أو عرافة تنبأت بموت إسماعيل الليثي قبل تعرضه لحادث ووجهت اتهامات قاسية لزوجته خبيرة التجميل شيماء سعيد.
لي لي فؤاد تُهاجم المنجمة كابي
وهاجمت لي لي فؤاد المنجمة كبي في فيديو عبر صفحتها الشخصية، قائلة:شماتة في الموت!
جاية تتصل بشيماء وتشمت فيها!! في حد بيشمت في الموت!! كذبوا المنجمون ولو صدفوا، هي جت معاكي صدفة، وأنا قولتها امبارح في العزاء جت معاكي زي الهبل دبل زي مابيقولوا".
وأضافت"استغليتي أنها صدفة وعايزة تطلعي تريند على راجل ميت، كلنا ستات وبلوجرات هنقف جمب شيماء عشان الست دي بقت بتربي ايتام".
وتابعت"احنا ناس مسلمة مينفعش نصدق الكلام دة ونمشي ورا واحدة بتقول انا اللي بموت وانا اللي بحيا، انا ست زيي زيها مش هسمح لحد يهاجمها ويقولها كلام بارد انتي اللي موتيه وانتي اللي دعيتي عليه".
وقالت" حرام عليكم عمالين تجروا ورا التريند والشو وتقولوا حادثة مدبرة، ازاي حادثة مدبرة وكل اللي فيها ادمروا".
@dona_tella2
@لي لي فؤاد
وعلقت لي لي على الهجوم الحاد لشيماء بسبب دعائها على زوجها، قائلة "واحدة بتحب جوزها وبتغير عليه، طلعت وقالت يارب لو أتجوز غيري يحصل فيه كدة، كل الناس شالت كلامها اللي في الأول وخدوا المقطع بتاع دعائها عليه، طب أنا عايزة أعرف مين فينا مبتدعيش على جوزها وقت الزعل أو مع عيالها، ما كلنا بندعي وبنمر بكدة".
@dona_tella2
@لي لي فؤاد
تصريحات منجمة عن إسماعيل الليثي
ظهرت كابي في فيديو عبر منصة تيك توك من فترة قبل وفاة إسماعيل الليثي قائلة، "أبنكم أتقدم قربان "، على الرغم من الجميع على علم من وفاة ضاضا نجل إسماعيل الليثي في حادث سقوطة من النافذة.
وبعد هذا الحادث واجه إسماعيل الليثي وزوجته العديد من المشاكل مما إدى إلى إنفصال بدون طلاق، وبعد الانفصال بشهور جاء لها خلال عيد ميلادها الموافق 1 نوفمبر لكي يصالحها.
وظهرت كابي في فيديو أخر بعد هذا الرجوع وقالت "الراجعة دي هتكون القشة اللي اتقطمت ضهر البعير"، وكان هذا قبل الحادث بأربع أيام.
وبعد الحادث نشرت فيديو أخر قائلة: "أنا وثقت إن دي الراجعة اللي هتقطم ضهر البعير واهو حصل، ولو أنتوا عايزين تسألوني أية اللي هيحصل فأنا هقولكم ان هو هيحصل إبنه وهيروح جمبه، هو مش حابب الدنيا ومش مرتاح من بعد موت إبنه".
ووجهت بعض الإتهامات لزوجته قائله : ان شيماء سعيد عملت أعمال لأختها وعملت لإسماعيل كل الاعمال عشان يرجع لكن هو مش عايز وانا بفك السحر دا والدليل على كدة لما رجع العيد ميلاد مروحش معاها".
لمتابعة التفاصيل الكاملة حول بلوجر تهاجم منجمة شماتة في الموت بعد وفاة إسماعيل الليثي، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.