لجنة الشكاوي الحكومية تدعم ميار نبيل بعد حبسها في الإمارات من قبل زوجها
تواصلت لجنة الشكاوي الحكومية بمجلس الوزراء، مع المواطنة المصرية ميار نبيل ، ضحية زوجها بعد أن قام بحبسها هي وصغيرتها فى الإمارات وعودته لمصر ، وجاء هذا التواصل لتقديم الدعم اللازم لها ، بعد استغاثة السيدة عبر صفحتها الشخصية
وكانت قد قالت ، فى استغاثتها ، " أنا اتعرضت لغدر وخيانه أنا وابنتي من زوجي محمد السيد علي حشيش ..باختصار شديد تزوجت وسافر زوجي الي دوله الامارات ع اساس اتفاق بينه وبين والدي اني هعيش معاه ف نفس الدوله ومش هيكون في مسكن زوجيه ف مصر غير شقه علي الطوب الاحمر بحجة أننا مش هنقعد فيها
وبعد الفرح سابني عند اهلي مده تزيد علي ال 3 اشهر ودة كان اول إخلاء بأي اتفاق وبالفعل سافرت معاه وعرفت ان مافيش منزل زوجيه وان كل اهله معاه
من غير كلام كتير بدأت مشاكل كتير جدا بسبب انه معرفش يتحمل مسؤليه من اول يوم زواج".
وتابعت: للأسف فضلت مستحمله عشان ربنا رزقني بأجمل العطايا بنتي استحملت عشانها اي حاجة لحد ما طلبت منه يوضب شقه الزوجيه ف مصر رفض وبدأ بالهروب مني وقطع وسائل الاتصال معانا وهو في الامارات واهله في مصر وكل من تدخل في الموضوع وشاف تصرفات اهله في مصر قالوا لازم محكمه واحنا هنشهد معاكوا خصوصا وهو سايبنا أنا وابنته لمده ٦ شهور بدون سؤال وقررت اني اجيب حق بنتي واسافر الي دول الامارات علي نفقه اهلي
سافرت وقعدت ف مسكن أنا وبنتي وعرف أننا موجودين في نفس البلد ومجاش اخدنا وانا علي ذمته.
وقالت ؛ رفعت نفقه زوجية ونفقه لبنتي واخدت حاجتي أنا وابنتي وروحت المسكن عنده عشان معناش فلوس نقعد اكتر من كدة في مكان بره وتعهد في جلسه الصلح أمام المحكمه انه هيتكفل بنفقه ليا ولابنتي وهنعيش معاه في مسكن الزوجيه في الامارات ويشهد ربنا عليا وأقسم بالله اني ما كنت عاطيه اي خوانه وقولت من قلبي بعد كل اللي حصل نعطي فرصه عشان بنتي
اكتشفت انه بيخطط ليا اني انزل مصر
وتاني يوم كنسل أقامتي في دوله الإمارات وسابني مخالفه وتعدي عليا وسب وقذف ليا أمام ابنته وساب البيت الساعه 6 الصبح وانا بتفكيري اعتقدت انه في الشغل في نفس اليوم قبل ما ينزل قفل الاوضه اللي فيها الحمام وحاجتي الشخصيه أنا والبنت ونزل
وتم قطع عليا الكهربا والماء والغاز والانترنت
داخل الشقه كلمته كتير تليفونه مغلق لحد مابعت ليا الرساله دي انه رجع مصر ونزل وهرب وسابني أنا وبنته بدون درهم واحد في دوله الامارات في الضلمه ومن غير ميه أنا بقالي 3 ايام بنتي بتنام في الضلمه بدون ميه بدون اي مرافق للحياه
وقالت : أنا بستغيث وبطالب بحقي أنا وبنتي
بناشد السفاره المصريه وحكومه دوله الامارات أنا بنتي طفله رضيعه وبموت حرفيا أنا وهي بالبطيء ومش عايزه أسيب حقها
ساعدوني اجيب حقها ساعدوني بالله عليكم.
لمتابعة التفاصيل الكاملة حول لجنة الشكاوي الحكومية تدعم ميار نبيل بعد حبسها في الإمارات من قبل زوجها، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.