أسما شريف منير تحث على فهم النفس في منشور مثير للجدل

أثارت الفنانة

أسما شريف منير،

الجدل من جديد، بمنشور تحدثت من خلاله عن علاقة الشخص بنفسه، ووصفتها بأنها العلاقة الأصعب، ونصيحة للمعايشة بسلام.

وكتبت أسما شريف، عبر حسابها الرسمي على موقع “إنستجرام”، قائلة:

“⁨فيه لحظة إحنا كلّنا مرّينا بيها، اللحظة اللي بنبص فيها لوشّنا ونحس إننا مش شايفين شكلنا، شايفين حاجات مستخبية: تعب، خوف، كلام متكتم، ووجع محدش يعرفه غير ربنا”.

وأضافت أسما: “فيه ناس بتقوم من النوم وتحس إنهم لابسين وشّهم عادي، بس جوّاهم في دوشة محدش سامعها، يغلطوا في نفسهم، يلوموها، يخفوا ضعفهم، ويفضل السؤال جوّاهم يزنّ: ليه أنا مش قادر أرتاح مع نفسي؟”.

وأكملت: "الحقيقة؟ علاقتنا بنفسنا هي أصعب علاقة في الدنيا، أعقد من أي حب، وأعمق من أي صداقة، بنقرب، وبنبعد، بنخاف، وبنتشجّع، وبنرجع نقول: طب هو أنا مين أصلاً؟، كتير قوي منكم حاسين إنهم تايهين، مش عشان وحشين، ولا ضعاف، لكن عشان عمرهم ما وقفوا دقيقة وقالوا لنفسهم: “تعالي نتعرف… من أول وجديد”.

واختتمت أسما شريف حديثها: "ربنا قال: قد أفلح من زكّاها، معنى الآية دي إنك لو فهمت نفسك، لو طيّبت على روحك، لو سمعت اللي جواك هتفلح، هتهدى، هتقوم على رجليك تاني، وفيه ناس منكم عاملين نفس الخطوة دي من غير ما ياخدوا بالهم، بيكتبوا شوية كلام على ورق، بيعيطوا لوحدهم، بيحاولوا يفكّوا عقدة كانوا فاكرينها مستحيلة، واللي ما يعرفوش إن دي أول خطوة، وأنها أصعب خطوة، وإنها خطوة “بداية الرحلة”.

أسما شريف منير تعلن ارتدائها الحجاب

الجدير بالذكر أن أعلنت أسما شريف منير ابنة الفنان شريف منير في الأيام الماضية عن ارتدائها الحجاب، وذلك عبر حسابها بموقع إنستجرام، حيث كتبت: "مكنش عندي غير طرحة واحدة وطقم واحد بس يليق بالخطوة دي، بس كنت حاسة من جوايا إن دي الخطوة الصح. الحجاب مش مجرد لبس.. ده قرار من القلب، عهد بيني وبين ربنا، وراحة ما تتوصفش ادعولي بالثبات ومحتاجة أماكن للبس حلو يساعدني على الخطوة دي".

وقالت أسما شريف منير خلال لقائها في برنامج ET بالعربي: "كنت متخانقة مع بابا وهو اللي مزعلني ومش بنتكلم، ولما اتحجبت اتبسط قوي وكلمني".

وأضافت أن والدها قال لها: "ربنا يثبتك، أنتي طول عمرك عندك نزعة جواكي وكنت حاسس أن ده هيحصل، وبوسيلي جوزك الراجل المحترم لأنه أكيد سبب في القرار ده".

تابعت: "بنتي لارا الوحيدة اللي أخدت رأيها وكانت عارفة القرار من قبله".

لمتابعة التفاصيل الكاملة حول أسما شريف منير تحث على فهم النفس في منشور مثير للجدل، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.