فضيحة سرقة متكررة في كمبوند دجلة بالمز بأكتوبر تثير استغاثة المواطنين
استغاث مواطن بوزارة الداخلية بعد تعرضه للسرقة داخل كمبوند دجلة بالمز بأكتوبر ، قائلا: "أصعب لحظة في حياتي للأسف عشتها الأيام اللي فاتت…انا ساكن في كمبوند دجله بالمز اكتوبر اكتشفت إن شقتي اتسرقت، والصدمة إن اللي سرقوا نطّوا من بلكونة الدور الخامس.
وتابع : لقوا نسخة من مفتاح الشقة وفضلوا 3 أيام يدخلوا ويخرجوا وينزلوا حرفيا كل الحاجة والاجهزه جديده ونفضو الشقه وهي شقتي شقه عريس كله جديد في جديد وأنا كنت في المستشفى مع والدتي مريضه بتعمل عملية ومجتش بقالي اسبوعين وربنا اراد اني اجي بعد 3 ايام من السرقه وهم بيسرقو كل يوم.
واستطرد : عملت محضر ورجعت من القسم 7 صباحا … ورجعت أبيت في الشقة لحد مالناس تفتح عشان اغير الكالون، وللأسف اتكرر المشهد الاصعب: سمعت صوت مفتاح بيفتح الباب، وطلعوا معاهم سلاح للتامين وهما مش عارفين إني جوه . أول ما سمعوا صوتي جريوا… وجريت وراهم زي ما هتشوفوا في الفيديو.
وقال: الموضوع كان صعب ومرهق نفسيًا، ومش عارف لو كان معايا مراتي وبنتي كان حصل ايه او لو مكنوش سمعو صوتي كانو قتلوني بس الحمد لله إني بخير …
ويا ريت اللي يشوف الفيديو أو عنده أي معلومة مايبخلش عليّ والي يدلني عليهم ليه مكافاة"
وعلى الفور تفاعل عدد من المتابعين مع الواقعة ، مؤكدين إنها ليست الواقعة الأولي للسرقة داخل الكمبوند وتتكرر بشكل مستمر .
لمتابعة التفاصيل الكاملة حول فضيحة سرقة متكررة في كمبوند دجلة بالمز بأكتوبر تثير استغاثة المواطنين، يمكن الرجوع إلى موقع مصر تايمز عبر رابط الخبر الموجود أسفل النص، وذلك حرصًا على وصول القارئ للمصدر الأصلي.